तुझे सुंदर रूप रेणुके | Tujhe sundar rup Renuke viraje

तुझे सुंदर रूप रेणुके (Tujhe sundar rup Renuke viraje) हे आश्विन शुद्ध ललिता पंचमी दिवशी म्हणावयाचे श्री रेणुका देवीचे अष्टक आहे.

तुझे सुंदर रूप रेणुके
तुझें सुंदर रुप रेणुके विराजे
वर्णिताती मुनि देव देवि राजे
कोण स्वगुणाचा करिल गुणाकार
तुला माझा अंबिके ! नमस्कार ॥१॥

Tujhe sundar rup Renuke viraje,
Varnitati muni Dev Devi Raje,
Kon swagunacha karil gunakar,
Tula maza Ambike! Namaskaar

सदानंद मुख चंद्रमा सबंध
रत्नहार, मणी, वांकि बाजुबंद
मुक्तजडित सुवर्ण अलंकार
तुला माझा अंबिके ! नमस्कार ॥२॥

Sadanand mukh chandrama sabandh,
Ratnahar, mani, vaanki baajuband,
Muktajadita suvarna alankaar,
Tula maza Ambike! Namaskaar

विलोकुन नथ नासिकीं, काप कानीं
मार्ग विसरावा मोक्ष साधकांनीं
हांक द्यावी लक्षुनी लक्षवार
तुला माझा अंबिके ! नमस्कार ॥३॥

Vilokun nath naasikin, kaap kaanin,
Marg visaraava moksha sadhakaanin,
Haank dyaavi lakshuni lakshavaar,
Tula maza Ambike! Namaskaar

साडि पिवळी खडिदार भरजरीची
तंग चोळी अंगांत अंजिरीची
टिळा कुंकुम, निट वेणि पिळेदार
तुला माझा अंबिके ! नमस्कार ॥४॥

Sadi pivali khadidaar bharjarichi,
Tang choli angaat anjirichi,
Tila kumkum, nit veni piledaar,
Tula maza Ambike! Namaskaar

सप्तशतिचे पुढें पाठ घणघणाट
टाळ, घंटा, कंकणें, खणखणाट
पायिं पैंजण घन देति झणत्कार
तुला माझा अंबिके ! नमस्कार ॥५॥

Saptashatiche pudhe paath ghan-ghanat,
Taala, ghanta, kankanen, khan-khanat,
Paayin painjan ghan deti jhanatkara,
Tula maza Ambike! Namaskaar

मूळ धाडी दर्शना यावयासी
लावि भजनीं या उर्वरित वयासी
तोडि सारा हा दृष्ट अहंकार
तुला माझा अंबिके ! नमस्कार ॥६॥

Mool dhaadi darshana yaavayasi,
Lavi bhajani ya urvarit vayasi,
Todi saara ha drishta ahankar,
Tula maza Ambike! Namaskaar

पर्वतीं या बसलीस अम्हांसाठीं
परी अमुची खरचली जमा साठी
भरत आला स्थळ – भरतिचा अकार
तुला माझा अंबिके ! नमस्कार ॥७॥

Parvati yaa baslees amhasathi,
Pari amuchi kharchali jama saathi,
Bharat aala sthal – Bharaticha akar,
Tula maza Ambike! Namaskaar

माय वंची दुरदेशिं मुलांनाही
अशी वार्ता ठाऊक मला नाहीं
अगे आई ! हा काय चमत्कार
तुला माझा अंबिके ! नमस्कार ॥८॥

Maay vanchi duradeshim mulaanahi,
Ashi vaarta thauk mala naahi,
Age aai! Ha kay chamatkar,
Tula maza Ambike! Namaskaar

ब्रीद सोडुन बसलीस बेफिकीर
मला केलें सरदार ना फकीर
काय म्हणतिल व्यासादि ग्रंथकार
तुला माझा अंबिके ! नमस्कार ॥९॥

Brid sodun baslees befikir,
Mala kel saradar na fakeer,
Kay mhanatil Vyasadi granthakar,
Tula maza Ambike! Namaskaar

तरी आतां ये, धांव, पाव, तार
त्वरित आतां तरि धांव, पाव, तार
करी माझा अविलंबें अंगिकार
तुला माझा अंबिके ! नमस्कार ॥१०॥

Tari aata ye, dhaav, paav, taar,
Twarit aata tari dhaav, paav, taar,
Kari maza avilambe angikaar,
Tula maza Ambike! Namaskaar

काय रागें झालीस पाठमोरी
तेरि अम्मा फिर एकि वाट मोरी
केशराचा हरपेल कीं शकार
तुला माझा अंबिके ! नमस्कार ॥११॥

Kay raage jhaalees paathamori,
Teri amma phir eki vaat mori,
Kesharacha harpel ki shakaar,
Tula maza Ambike! Namaskaar

पहा जातो नरजन्म – रंग वायां
नये सहसा परतून रंगवाया
म्हणुनि करितों विशेष हाहाःकार
तुला माझा अंबिके ! नमस्कार ॥१२॥

Paha jaato narjanma – rang vaaya,
Naye sahasa paratun rangvaaya,
Mhanuni karitun vishesh haahaahkaar,
Tula maza Ambike! Namaskaar

कृपासूत्रें वोढोनि पाय दावी
जशी बांधी कृष्णासि माय दावीं
अहो मीही अन्यायि अनीवार
तुला माझा अंबिके ! नमस्कार ॥१३॥

Kripasutren vodhoni paay daavi,
Jashi baandhi Krishnasi maay daavi,
Aho mihi anyayi aneewaar,
Tula maza Ambike! Namaskaar

मीच अथवा तुज ह्रदय – मंदिरांत
प्रेमसूत्रें बांधीन दिवस – रात
यथातथ्य परि नसे अधीकार
तुला माझा अंबिके ! नमस्कार ॥१४॥

Miich athava tuj hruday – mandiraant,
Premasutren baandhin divas – raat,
Yathatathyapari nase adhikar,
Tula maza Ambike! Namaskaar

कसा एका पुष्पाचिया आवडीनें
मुक्त केला गजराज तांतडीनें
तसा मीही अर्पितों सुमनहार
तुला माझा अंबिके ! नमस्कार ॥१५॥

Kasa eka pushpachiya aavadinen,
Mukta kela gajaraj taantadinen,
Tasa mihi arpito sumanahaar,
Tula maza Ambike! Namaskaar

केली दुल्लड ही पदर पंधराची
तुझ्यासाठींची, आण शंकराची
विष्णुदास म्हणे रेणुके स्विकार
तुला माझा अंबिके ! नमस्कार ॥१६॥

Keli dullad hi padar Pandharachi,
Tujhyasathichi, aan Shankarachi,
Vishnudas mhaṇe Renuke swikaar,
Tula maza Ambike! Namaskaar

Categories